Saturday , November 23 2024

Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.

Në Bibliotekën Komunale “Sulejman Krasniqi” në Rahovec u përurua Këndi Arkivor i Drejtorisë së Përgjithshme të Arkivave të Shqipërisë

09/03/2022 Institucionet

Tema të tjera...

Me një ceremoni rasti u përurua Këndi Arkivor nga Drejtoria e Përgjithshme e Arkivave të Republikës së Shqipërisë dhe Agjencia Shtetërore e Arkivave të Kosovës. Në këtë ceremoni rasti kryetari i Komunës së Rahovecit Smajl Latifi, falënderoi për këtë mundësi të dhënë, drejtorin e Drejtorisë së Arkivave të Shqipërisë dr. Ardit Bido dhe kryeshefin Ekzekutiv të AShAK-së Mr. Bedri Zyberaj. Hapja e këtij Këndi Arkivor do t’iu mundësojë studiuesve dhe hulumtuesve shkencor që të kenë qasje në dokumentet arkivore nga Rahoveci, pa pasur nevojë të shkojnë në Tiranë apo Prishtinë. “Në këtë mënyrë është hapur një dritare e re për ata që dëshirojnë të hulumtojnë në arkivat shqiptarë, duke ndikuar në pasurimin e bibliotekave tona me vëllime të ndryshme historike e studimore”, shtoi ndër të tjera kryetari Latifi. Ndërsa Drejtori i DPA të RSh, Ardit Bido tha se, “hapja e këtij Këndi Arkivor është pjesë e projektit të arkivave shqiptare për të ofruar lehtërisa në studime e hulumtime për të gjithë shqiptarët në vende të ndryshme, duke përfshirë edhe diasporën”. Kryeshefi i AShAK-së Bedri Zyberaj, kontributi i të cilit ka qenë vendimtar për hapjen e këtij Këndi në Rahovec, përgëzoi kryetarin Latifi për gatishmërinë dhe shtoi se, “arkivat përbëjnë kujtesën tonë kombëtare, prandaj presim që ky Kënd të shfrytëzohet maksimalisht nga hulumtuesit e ndryshëm të kësaj komune”. Këndi Arkivor u hap me kontributin e DKRS-së në Bibliotekën Komunale “Sulejman Krasniqi” dhe aty do të kenë qasje të gjithë ata që dëshirojnë të marrin dokumente dhe të dhëna arkivore, qoftë në Tiranë apo në Prishtinë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM

Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara