Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari LDK-së, Isa Mustafa, ka thënë se qeveria nuk duhet të ofrojë zgjidhje karshi kësaj situate dhe jo të vajtojë. Mustafa është shfaqur kritikë edhe për qasjen e opozitës, duke thënë se me përjashtim të AAK-së dhe PSD-së, PDK-ja dhe LDK-ja nuk janë duke ia prishur “terezinë” Qeverisë Kurti. “Qeveria do duhej të kërkojë dhe të gjejë zgjidhje në këtë periudhë të ndërlikuar sociale por edhe politike. Më së paku i takon të humbë kohë me arsyetime dhe me fajësime të të tjerëve. Çmimin e energjisë, të vajit, të derivateve të naftës, e shumë tjera, nuk i ngritën qeveritë e kaluara. Kjo opozitë nuk po e gjuan qeverinë me shishe molotovi, me granata, me bomba, gaz lotsjellës, gurë… Përpos një partie parlamentare e njërës jashtë parlamentit, opozita tjetër s’po ua prishë terezinë. Prandaj qeveria s’ka arsye të vajtojë por duhet të ngjeshët dhe të tregojë lidership. Sepse, qeverisja në kohë të rëndomta ec vet, e në kohë të vështira tregon lidership. Dije, organizim, drejtim”.
“Nuk është roli i qeverisë tonë për ta edukuar dhe disiplinuar Putinin as për të bërë luftën në Ukrainë. Atje po lufton një popull i tërë me përkrahje të drejtë dhe solidarizim nga e gjithë bota. Ka edhe solidarizimin tonë. Nuk është roli i institucioneve të Kosovës, po ashtu, të tmerrojë qytetarët çdo mëngjes se po na sulmon Serbia. Sepse, njerëzit shqetësohen, frikësohen; spekulantët i rrisin çmimet, kurse qentë e luftës kërkojnë hapësirë për të profituar. Në fund mbesin qytetarët që ju votuan, ata që e paguajnë çmimin e frustrimeve të pamenaxhueshme”, ka shkruar, Isa Mustafa.
