Ahmet Qeriqi: Kënga Dervish Shaqes, "Kur ta ktheva Kosovë shpinën", po falsifikohet, po adaptohet padrejtësisht e po manipulohet

Ahmet Qeriqi: Kënga Dervish Shaqës, “Kur ta ktheva Kosovë shpinën”, po falsifikohet, po adaptohet padrejtësisht e po manipulohet

11/03/2022 Kultura

Tema të tjera...

Kënga e Dervish Shaqës, e cila fillon me vargjet, “Porsi uji qe del kah gurra”, por e njohur me dy vargjet: “Kur ta ktheva Kosovë shpinën, të lash borë e gjeta dimën” po falsifikohet, po adaptohet padrejtësisht, duke ia ndërruar në tërësi përmbajtjen, madje duke bërë përpjekje ta kthejnë krejt në të kundërtën e përmbajtjes.

Këngëtarë të papërgjegjshëm, tregtarë flamujsh e bindjesh retrograde, vazhdimisht përpiqen ta deformojnë të vërtetën, duke shkelur të drejtën e autorit, duke deformuar tekstin në origjinal, duke fyer vetë autorin e këngës dhe duke i vjedhur vetëm disa vargje kësaj kënge antologjike, e cila ka qenë burim frymëzimin për rininë revolucionare shqiptare të Kosovës, ashtu sikur ishte edhe vetë regjimi i Shqipërisë Socialiste të kohës.

Këta satrapë e falsifikatorë mendojnë se me fshirjen e disa vargjeve mund të fshihet e të harrohet historia 45-vjeçare e Shqipërisë Socialiste, që e kishte nxjerrë në sipërfaqe dhe e kishte bërë këngëtarë të popullit, të njohur për tërë shqiptarët, Dervish Shaqën i cili me shpirt e zëmër i ka kënduar Shqipërisë, veçmas Shqipërisë socialiste dhe Enver Hoxhës, më shumë se çdo këngëtar tjetër. Janë faktet, këngët, mirënjohjet, meritat, lavdet që ka marrë Dervish Shaqa në Shqipërinë e kohës.

Vargjeve karakteristike të kësaj kënge: “Kur ta ktheva Kosove shpinën, Të lash bore e gjeta dimën”, ia kanë hequr strofën pasuese me vargjet: Gjetëm mbret moçale këneta, Bukë e lot na shkojke jeta, vargje që përkufizojnë kohën e hapësirën, pasi është fjala për regjimin e satrapit, Ahmet Zogu, i cili e kishte lënë të vdiste urie por dhe nga plagët, Shote Galicën dhe bijë e luftëtarëve të Azem Galicës. Kishte vrarë: Hasan Prishtinën, Avni Rrustemin, Luigj Gurakuqin, Bajram Currin, Elez Isufin. Kënga flet për atë kohë të Shqipërisë, ku kishte mbret, moçale e këneta dhe jo për Shqipërisë e Enver Hoxhës. Duke amputuar këto vargje, ata lënë të nënkuptohet se Dervishi kur kishte shkuar në Shqipëri, Kosovën e kishte lënë me borë, por Shqipërinë e kishte gjetur me dimër. Është kjo një hipokrizi debile dhe e neveritshme.

Nuk është fjala për ndonjë marifet, për ndonjë zbulim, por thjesht është fjala për një përpjekje të neveritshme për mashtrim, deformim të përmbajtjes së këngës, shpërfillje e tekstit origjinal, të cilin mund ta bëjnë vetëm njerëz ka kulturë, pa kurriz, servilë e debilë, që nuk dinë të krijojnë këngë, por vjedhin tekstet, i deformojnë, i bastardojnë krejt hapur dhe pa asnjë pikë keqardhje i përvetësojnë.

Ja cili është origjinali i kësaj kënge:

Porsi uji qe del kah gurra

Bardh si bora neper qubrra.

Lehtë si bari nëpër livadhe

Si ortek që vjen prej mali

Porsi mjalti neper hoje

M’del prej zemre m’thot prej goje.

Ndihen telat e Sharkisë

Toka jone në dorë të partisë.

Të puthsha synin moj parti

Qe ke ba ket mrekulli.

Qite pushkë e more malin