Ka nisur punën për herë të parë Shërbimi Stomatologjik Pediatrik në Qendrën Kryesore të Mjekësisë Familjare në Skenderaj

17/03/2022 Institucionet

Ka nisur punën për herë të parë Shërbimi Stomatologjik Pediatrik në Qendrën Kryesore të Mjekësisë Familjare në Skenderaj, pas përpjekjeve të vazhdueshme të qeverisjes lokale për funksionalizim të shërbimeve në spitalin e qytetit të Skenderajt. Për të parë nga afër punën dhe interesimin e fëmijëve për ti kontrolluar dhe mjekuar dhëmbët, kryetari i Komunës së Skenderajt, Fadil Nura dhe drejtori për Arsim, Kastriot Duraku, i cili ka dhënë kontribut në angazhimin dhe përfshirjen e shkollave në këtë fushatë parandaluese të sëmundjeve orale, e kanë vizituar repartin dhe i kanë përgëzuar mjekët stomatologë të QKMF-së, për shërbimet e ofruara. Kryetari Nura është shprehur i lumtur për fillimin e punës në repartin pediatrik stomatologjik, ndërkohë që ka biseduar edhe me fëmijët që prisnin radhën për të kontrolluar dhëmbët. “Ky shërbim po ofrohet për herë të parë, pas përpjekjeve tona për të funksionalizuar çdo shërbim publik mjekësor në Qendrën Kryesore të Mjekësisë Familjare. Dhëmbët duhet të jenë të shëndoshë edhe tek fëmijët, e për të arritur këtë, nevojitet mjekim dhe ruajtje e shëndetit të tyre”, ka thënë i pari i Skenderajt. Që prej se filloi mandatin, kryetari Nura është angazhuar për të funksionalizuar të gjitha shërbimet spitalore dhe shkurtuar radhët e pacientëve për të marrë shërbime mjekësore. Gjatë kësaj kohe, janë funksionalizuar disa shërbime në radiologji, duke e vënë për herë të parë aparatin mamografik dhe pajisje të tjera të nevojshme për parandalimin e sëmundjeve të ndryshme.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara