Në Viti u shënua dita botërore e tuberkulozit

24/03/2022 Institucionet

Me rastin e 24 marsit- Ditës botërore të tuberkulozit, komuna e Vitisë, konkretisht Drejtoria për Shëndetësi dhe Mirëqenie Sociale në bashkëpunim të ngushtë me QKMF-në ka zhvilluar sot disa aktivitet të vetëdijesimit të qytetarëve rreth kësaj sëmundje. Fillimisht në qytetin e Vitisë një ekip i QKMF-së së Vitisë, ka shpërndarë disa fletushka rreth mënyrës së parandalimit por edhe mjekimit dhe shërimit të sëmundjes së tuberkulozit. Këtë ekip e ka vizituar edhe kryetari i komunës së Vitisë, Sokol Haliti i shoqëruar nga drejtoresha e DSHMS-së, Merrushe Ahmeti dhe të tjerë. Gjithashtu gjatë ditës së sotme janë dy trajnime për stafin e infermiereve për trajtimin e pacientëve me tuberkulozë. Ndërkaq  ekipi i QKMF-së në Viti, ka shpërndarë fletushka për pacientët e rastit. Sipas dr. Vjollca Kadolli-Halili, drejtoreshë e QKMF-së në Viti, përmes aktiviteteve të tilla ata po synojnë të ndikojmë në vetëdijesimin e qytetarëve rreth sëmundjeve të ndryshme, kryesisht atyre kronike. Përndryshe në vitin 2021 në Kosovë,  janë regjistruar gjithsej 447 raste te pacientëve të sëmurë nga sëmundja e Tuberkulozit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara