U mbajt Akademi përkujtimore për dëshmorin Nijazi Azemi-Komandant Mjekrra

26/03/2022 Institucionet

Akademia përkujtimore për dëshmorin Njazi Azemi, ka nisur me homazhe tek varri në varrezat e dëshmorëve në Viti. Për të vazhduar me tubimin në Shtëpinë e Kulturës. Në emër të Institucioneve komunale të Vitisë, ka folur drejtoresha për Arsim Fatbardha Emini, e cila ka theksuar se dëshmorët e lirisë  janë dhe do të mbeten institucioni më i nderuar dhe  i krenarisë kombëtare. “Rrugën që trasuan luftëtarët dhe dëshmorët e UÇK-së, janë vlerë e trashëguar, ndërsa  ne po ndërtojmë shtetin demokratik, shtetin e së drejtës, një shtet gjithëpërfshirës të të gjithë qytetarëve  të barabartë, në paqe me të gjithë. Ky rrugëtim, ishte i vështirë, por aspak më e lehtë nuk do të jetë puna dhe angazhimi që po na pret në forcimin e vlerave demokratike deri në arritjen e qëllimeve tona, deri në anëtarësimin në Bashkimin Evropian dhe në NATO. Sot, përkulemi para veprës së dëshmorit të kombit Nijazi Azemi si dhe gjithë dëshmorëve të kombit, sepse kur përkujtojmë ata, vlerësojmë  se çfarë çmimi të lartë ka liria. Andaj, jo vetëm juve familjarë të dëshmorëve, por edhe neve na bënë krenar e kaluara e djemve dhe vëllezërve tuaj, që flijimin për çlirimin e Kosovës,   e bënë në emër të idealit të lartë të lirisë”, ka thënë Emini.

Ajo më tej ka shtuar se sot më tepër  se kurrë, na duhet një dashuri më e madhe për atdheun, një respekt dhe solidaritet për njëri-tjetrin, një bashkim i forcave  dhe tejkalim i dallimeve politike për qëllimet madhore të Kosovës. Na duhet punë dhe sakrificë më e madhe për t’u bërë ballë sfidave në përmbushje të synimeve tona.

Mirënjohje përjetë për të gjithë ata që sakrifikuan jetën në shërbim të Atdheut”

Lavdi dëshmorit Nijazi Azemi. Lavdi dëshmorëve të Ushtrisë Çlirimtare të Kosovës!

Në emër të Organizatave të dala nga lufta, foli Abdyl Bajrami, i cili theksoi se vepra e dëshmorit Nijazi Azemi, e bënë atë të pavdekshëm. Në emër të ish UÇPMB-së, foli Mustafë Shaqiri-komandant Shpëtimi, i cili edhe evokoi kujtime që nga takimet e para me komandant Mjekrrën. Kryetari i Qendrës Kulturore Shqiptare, Minella Kureta, e nderoi me titullin Krenaria Shqiptare, babain e dëshmorit Nijazi Azemi,  Ramush  Azemin. Në këtë Akademi, u shfaq edhe një program artistik nga Kori i Qytetit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara