Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së Ariana Musliu-Shoshi, është cituar të ketë deklaruar se që nga dita e parë kur e ka marrë postin, Donika Gërvalla-Shvarc për ta udhëhequr politikën e jashtme, nuk ka punuar asgjë në këtë drejtim. “Unë mendoj që në këtë drejtim nuk është punuar që nga dita kur e ka marrë detyrën kryediplomatja jonë. Vlerësoj që pas datës 24 shkurt kur rendi botëror politik ka pësuar një tronditje ka ndryshuar komplet konteksti i politikë-bërjes”. “Mendoj që ne si Kosovë duhet që të kemi një lobim intensiv sidomos me vendet të cilat nuk na kanë njohur. Duhet që të kemi një përgatitje më të madhe sa i përket anëtarësimit në organizata ndërkombëtare. Kjo jo medoemos do të thotë që BE-ja do i shpejtojë procedurat e anëtarësimit. Këtë na e kanë konfirmuar edhe në Strasburg”. Ne si shtete duhet të jemi të përgatitur dhe stafi ynë diplomatik duhet të ketë udhëzime nga qendra sesi duhet të veprojnë. Ata duhet ta shfrytëzojnë këtë kohë në maksimum që ne në bashkëpunim me miqtë tanë të arrijmë të nxjerrim më të mirën për vendin tonë sa i përket anëtarësimit dhe avancimit të Kosovës në sferën ndërkombëtare”, tha Ariana Musliu-Shoshi.
