Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot para trupit gjykues të Gjykatës Speciale në Hagë, ka vazhduar procesi gjyqësor kundër eprorit të UÇK-së, Salih Mustafa. Dëshmitari i shtatë i mbrojtjes së Salih Mustafës, Nazmi Verbovci, ka folur për takimet me të akuzuarin, në pranverën e vitit 1999. Dëshmitari ka thënë se Mustafën e ka takuar në fshatin Barilevë në ditët e para të muajit prill dhe sipas tij takimi i dytë ka ndodhur më 20 apo 21 prill të atij viti. Ai ka thënë se në të dy rastet Mustafa kishte qëndruar në shtëpinë e tij në lagjen Verbovc të Barilevës. Nazmi Vërbovci derisa është përgjigjur në pyetjet e avokatit Betim Shala, ka thënë se Salih Mustafa kishte pushuar dhe ishte ushqyer në shtëpinë e tij për disa orë dhe pastaj kishte vazhduar në drejtim të Vrandollit. Ai ka deklaruar se në lagjen e Llumnicëve ka qenë njësiti në shtëpinë e Jusuf Llumnicës, e Kemajl Lluminca të dy ka qenë edhe ushtarë edhe i ka pasur në shtëpi. Kurse në lagjen e Vërbovcve, në shtëpinë e Shaban Vërbovcit, babai im. Kam pasur përkrahjen e tij dhe të axhës dhe gjithë familjarëve, djemtë e xhaxhallarëve që kanë qenë vullnetarë të gjithë, pro në mungesë të armatimit nuk kanë mundur të gjithë të bashkohen në luftë. Nga një armë e kishim, armë nuk kemi marrë nga askush, përveç armëve tona personale që i kemi pasur”, ka thënë dëshmitari, Nazmi Verbovci.
