Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Kroaci u mbajt ceremonia zyrtare për shpalljen e ushtarit më të mirë, për vitin 2016, mbajtur, për dy ditë, në poligonin ushtarak “Gjakovo” në Grubisnjo-Polje të Kroacisë. Gara për përzgjedhjen e ushtarit më të mirë, që mbahet çdo vit në Kroaci, është njëra ndër garat ushtarake më të forta në botë. Në këtë garë ushtarake kanë marrë pjesë përfaqësuesit e 15 shteteve të NATO-s, si dhe shumë përfaqësues të shteteve partnere të Kroacisë. FSK-në e kanë përfaqësuar tre pjesëtarë të saj: toger ja, Manushaqe Nura dhe tetarët: Binak Podrimçaku dhe Feti Pronaj. Në garën për përzgjedhjen e ushtarit më të mirë të Kroacisë dhe atij ndërkombëtarë, kanë marrë pjesë 145 ushtarë, të cilët kanë marshuar 40 kilometra me 17.6 kilogram ngarkesë në shpinë, si dhe i kanë kaluar-ekzekutuar 13 detyra ushtarake. Kështu, në konkurrencën e femrave, togerja Manushaqe Nura zuri vendin e parë dhe është nderuar me medalje, ndërsa në konkurrencën ndërkombëtare mjaftë të fortë të meshkujve, tetari Binak Podrimçaku zuri vendin e tretë, ndërsa, tetari Feti Pronaj të 13-tin, në konkurrencën ndërkombëtarëve.
