Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka folur përsëri për listat e veteranëve të Ushtrisë Çlirimtare të Kosovës. Ai ka thënë se Qeveria Kurti duhet gjithsesi t’i përfshijnë pensionet e veteranëve së bashku me pagën minimale, pasi janë të obliguar ligjërisht. Ai ka deklaruar se pjesëtarët e Lëvizjes Vetëvendosje gjithmonë kanë pasur tendencë të “sulmojnë” ish-pjesëtarët e UÇK-së, në mënyrë që të fitojnë edhe simpatinë e përkrahësve të Lidhjes Demokratike të Kosovës, por në luftë nuk ka pasur ndarje partiake. Ata duhet të dinë se edhe përkrahësit e LDK-së e dinë që në luftë kemi pasur pjesëmarrës nga çdo parti. E keni shembull Kujtim Shalën e LDK-së, ai është i Loxhës, shkoni pyeteni Kujtimin se ai e di mirë se si 200 burra të fshatit të tij kanë shkuar vullnetarisht janë armatosë, me para të veta i kanë ble armët ua kanë sjell në Loxhë. Kur ka nisur lufta, janë mobilizuar të gjithë ata mbi 15-vjeç. Ata janë armatosë dhe ndoshta janë udhëheq nga dikush i UÇK-së, por janë armatosë vullnetarisht. Kur ka nisur lufta, e dimë se në Loxhë është shkatërruar gjithçka. E tash Kurti po përpiqet të tregojë sa ka veteranë ka pasur në Loxhë nuk po e di kush po i mëson kështu”, ka deklaruar Haradinaj.
