Nderohet ish-deputeti Hysni Salihu në 23-vjetorin e shkuarjes në amshim

18/04/2022 Institucionet

Kryetari i Komunës së Vitisë, Sokol Haliti, me bashkëpunëtorë, ka nderuar në Smirë, në përvjetorin e vdekjes, ish-deputetin e  Kuvendit të Kosovës, Hysni Salihu. Kryetari Haliti tha se  ish-deputetit Salihu do t’i njihet gjithmonë  kontributi i çmuar si anëtar i legjislativit kosovar në vitet e vështira të ’90-a.  “Delegatët si z. Salihu do të mbesin në historinë e popullit shqiptar ndër nismëtarët dhe udhërrëfyesit e vendit tonë për liri, çlirim e pavarësi nga pushtimi i atëhershëm serb. Ne e kemi obligim institucional që t’i nderojmë, sepse ata kanë vlerë të veçantë në kujtimet tona ”, u shpreh kryetari Haliti. Hysni Salihu ishte anëtar i legjislativit kosovar në vitet ’90-a, kur u shpall Deklarata Kushtetuese dhe Kushtetuta e Kaçanikut, dy dokumente të rëndësishme që i paraprinë lëvizjeve për pavarësinë dhe lirinë e vendit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara