Kryetari Latifi, ka pritur në takim komandantin e KFOR-it të Rajonit Perëndimor të Kosovës, Kolonel Marco Javarone

20/04/2022 Institucionet

Kryetari i Komunës së Rahovecit, Smajl Latifi i shoqëruar nga nënkryetari, Fatmir Iska dhe Nora Boshnjaku, ka pritur në takim komandantin e KFOR-it të Rajonit Perëndimor të Kosovës, Kolonel Marco Javarone me bashkëpunëtorë si dhe përfaqësues të LMT në Rahovec. “Prita në një takim komandantin e KFOR-it të Rajonit Perëndimor të Kosovës, Kolonel Marco Javarone me bashkëpunëtorë si dhe përfaqësues të LMT në Rahovec. Në fokus të bisedave tona ishin çështjet që kanë të bëjnë me sigurinë, mbrojtjen e mjedisit si dhe kultivimin e mëtutjeshëm të raporteve të mira të bashkëpunimit. Komandantin e KFOR-it Javarone, e falënderova për bashkëpunimin dhe angazhimin e tyre në mbikëqyrjen e sigurisë, me theks të veçantë, kur dihet se prania e tyre ndikon drejtpërdrejtë në ruajtjen e paqes e stabilitetit në Kosovë”, ka thënë  kryetari Latifi. Në fund të takimit, kryetari Latifi dhe Kolonel Javarone, janë pajtuar për vazhdimin e  bashkëpunimit dhe koordinimit me KFOR-in të jetë i plotë dhe në shërbim të qytetarëve të Komunës së Rahovecit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara