Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në seancën e së mërkurës, dje në gjykimin për krime lufte kundër Salih Mustafës në Gjykatën Speciale Hagë është dëgjuar dëshmitari i 11-të i mbrojtjes, Musli Halimi. Aa thënë para trupit gjykues se nuk ka shumë njohuri për njësitin BIA dhe se Mustafën e takoi gjatë luftës një apo dy herë. Dëshmitari Musli Halimi, duke u përgjigjur në pyetje të prokurores Silvia D’Askoli, ka deklaruar se Adem Shehu ka ardhur në brigadë nga fundi i marsit. Ai bëri të ditur me 1 shkurt është emëruar komandant i zonës stërvitore në Zllash, e se më herët kishte qenë ushtar i thjeshtë. Ndërkaq, konfirmoi se ka kontribuar në përgatitjen e qendrës stërvitore, në mënyrë që e njëjta të fillonte të punonte. Sipas dëshmitarit, pas funksionalizimit të kësaj qendre, ai ishte marrë me trajnimin dhe përgatitjen e rekrutëve. Ky dëshmitar sërish konfirmoi se gjenerata e parë e rekrutëve kishte rreth 50 persona, ndërsa tha se ky numër i kujtohet pasi ka qenë i zakonshëm dhe fillimi gjithmonë ka qenë pak më problematik. Kurse, sipas tij, në gjeneratat e tjera ka filluar të zgjerohet numri i kadetëve. Dëshmitari Halimi tha se i duket se gjenerata e dytë ka pasur diku rreth 150 persona.
