Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një debat i ashpër diplomatik ka shpërthyer në distancë mes Britanisë së Madhe dhe Rusisë, në lidhje me deklaratën e zëvendës-ministrit të jashtëm britanik, James Haeppey i cili gjatë një interviste u shpreh se Ukraina ka të gjithë të drejtën të përdorën arsenalin e dhuruar perëndimor për të sulmuar objektivat ushtarake të furnizimit në territorin rus. Rusia i konsideroi tendencioze këto deklarata, duke shtuar se sipas kësaj logjike i bie që Rusia të godasë vendet e NATO që vijojnë të furnizojnë me armatime Ukrainën. “Sipas kësaj logjike, Rusia mund ta konsideronte po aq legjitime që të synonte të sulmonte në thellësi linjat e furnizimit ukrainas edhe brenda atyre vendeve që transferojnë armë në Ukrainë, të cilat gjithashtu prodhojnë vdekje dhe shkatërrim”, u shpreh zëdhënësja e Ministrisë së Jashtme, Maria Zaharova. Nëse Perëndimi do të vijojë të dërgojë armë është shumë e vështirë që negociatat të kenë rezultate pozitive. Ne jemi gati t’i rifillojmë nëse dikush do të prezantojë ide më interesante”, ka saktësuar ministri i Jashtëm rus Sergei Lavrov.
