Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Si zakonisht edhe në këtë Festë të Bajramit të Madh (Fitër Bajram) që shënon mbarimin një muaj të agjërimit, autoritetet e larta të vendit, drejtues partish politike, krerë të institucioneve urojnë Myftininë e Kosovës dhe besimtarët islamë të vendit. Bashkësinë Islame të Kosovës e ka vizituar Don Lush Gjergji nga Ipeshkvia e Kosovës. Me rastin e Fitër Bajramit, ai ka uruar Myftiun Tërnava dhe të gjithë myslimanët në emër të Kishës Katolike. Ai ka postuar fjalët e Gjergj Fishtës së Madh: Të krishterë e myslimanë festojmë bashkë, Pashkë e Bajram. Me rastin e festës së Fitër Bajramit, edhe kryetari i AAK-së, Ramush Haradinaj, ka vizituar Bashkësinë Islame të Kosovës. Haradinaj i ka uruar gjithë qytetarët për festën e Bajramit. Po ashtu kanë qëndruar për urime në Bashkësinë Islame të Kosovës edhe kryetari i PDK-së, Memli Krasniqi, kryeministri i Kosovës, Albin Kurti, kryekuvendari, Glauk Konjufca dhe shumë të tjerë, të cilët janë pritur nga myftiu i Kosovës, Naim Tërnava. Edhe kryetari i Lidhjes Demokratike të Kosovës, Lumir Abdixhiku, ka uruar besimtarët myslimanë për festën e Fitër Bajramit. Ai tha se kjo festë duhet të rikujtojë se sakrifica dhe vlerat njerëzore ndaj njëri-tjetrit janë të domosdoshme për shoqëri me zhvillim të begatshëm.
