Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendës-komandanti i Zonës Operative të Pashtrikut, Sadik Halitjaha ka deklaruar në një debat televiziv se UÇK-ja nuk merr përgjegjësi për sigurinë pasi në Kosovë është vendosur pushteti i KFOR-it dhe administrata e UNMIK-ut. Pas vendosjes së administratës ndërkombëtare, të drejtat tona si UÇK kanë qenë shumë të kufizuara. Armë nuk kemi pasur të drejtë të mbajmë. Përgjegjësia për vrasjet në këtë kohë bie mbi ata që e kanë pasur përgjegjësinë e sigurisë. Vrasja e Komandant Drinit ka ndodhur në vitin 2000. Kush ka pasur përgjegjësi për sigurinë në atë kohë? Unë jam i bindur se ata e dinë mirë vrasjen, por kjo për qëllime që ata i dinë edhe ju ka shërbyer. Shpresojmë se do të zbardhet tash, ka deklaruar ai. Është shumë problematike që për disa vrasje të akuzohet UÇK-së pas demobilizimit në gusht të vitit 1999. Edhe sot në Kosovë ndodhin vrasje por për këto nuk mund të vishen UÇK-së, ka thënë mes tjerash, Sadik Halitjaha.
