Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shkolla Fillore e Mesme e Ulët ”Dëshmorët e Kombit”, në fshatin Ngucat, shënoi- Ditën e shkollës, po këtë ditë ishte edhe rënia e dëshmorëve të kombit të këtij fshati që ranë për lirinë e Kosovës dhe trojeve shqiptare. Në këtë kremte mori pjesë edhe drejtoresha e Drejtorisë për Arsim dhe Edukim, Arbëreshë Krasniqi dhe zyrtari pran drejtorisë, Sabit Berisha. Në fjalën e rasti, znj. Krasniqi, tha: ”E veçanta e kësaj dite është se koinçidon me dy përvjetor, ditën e shkollës dhe rënien e dëshmorëve të kombit për lirinë e Kosovës dhe trojeve shqiptare, prandaj unë këtu shohë nënat që dhanë djemtë më të mirë për Kosovën, shohë mësuesit veteranë, shohë gratë që gatuan bukën për luftëtarët e lirisë, shohë shkollën e lirë shqipe të organizuar mirë, nipërit e dëshmorëve që recitojnë e këndojnë për shkollën, atdheun, dëshmorët e kombit, dhe vazhdoi, nga këtu sot obligohem që bashkë me ju të punojmë fortë për nxënësit sepse koj është e ardhmja e sigurt, njëherit, kjo pjesëmarrje është treguesi më i mirë për rezultate e së nesërmes, ju premtoi për angazhim , bashkëpunim me të gjithë edhe si qeveri komunale se arsimi është dhe do të jetë top prioriteti ynë”. Lavdi dëshmorëve të kombit të të gjitha brezave!, përfundoi Krasniqi. Edhe drejtori i shkollës, Esat Zabelaj, foli për të arriturat e shkollës, për më të dalluarit u ndanë mirënjohje për nxënësit dhe mësimdhënësit si dhe për kontribuuesit nga fshati. Nxënësit e shfaqën një program të pasur kulturor-artistik.
