Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Rahovecit Smajl Latifi me bashkëpunëtor ka bërë homazhe në Fshati Shqiponjë ish Jabllanicë. Ai me këtë rast tha se: Fshati Shqiponjë ish Jabllanicë do të mbetet përgjithmonë në historinë e kombit tonë si vatër atdhetare dhe dëshmi e qëndresës së madhe dhe heroizmit në luftën për liri. Shqiponja, porsi shqiponja dykrenare e flamurit tonë kombëtar, anjëherë nuk u thye përballë masivitetit dhe agresivitetit ushtarak dhe armatimit modern të pushtuesit. U fituan betejat një pas një deri në arritjen e lirisë. Sot, më 17 MAJ, në Ditën e Çlirimit të këtij fshati emblemë, u përulëm me nderime para veprës madhështore të grave e burrave trima të Shqiponjës së Dushkajës, heronjve dhe dëshmorëve që prehen në paqe në Kompleksin Përkujtimor, para veprës së gjithë atyre që nuk i lëshuan pushkët nga dora deri në çlirim. Lavdia e tyre do të jetojë me shekuj!
