Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Fiksimi i përgjithshëm për liberalizimin e vizave po eklipson çmimin e rëndë të kushtëzimeve. Ende pa kaluar disa javë nga rekomandimi pozitiv i Komisionit Evropian për liberalizimin e vizave, zyrtarët evropian kanë nisur të përmendin miratimin e Marrëveshjes për Demarkacion si kusht për heqjen e regjimit të vizave. Kjo u bë e ditur edhe nga euro-deputeti, Tonino Picula i cili kryesoi delegacionin e Parlamentit Evropian në Kosovë. Në takimin që zhvilloi me kryetarin, Hashim Thaçi, ai bëri me dije se demarkacioni i kufirit me Malin e Zi do të jetë kusht për liberalizimin e vizave. Në anën tjetër, kryetari Thaçi nuk kërkoi sqarime nga ky zyrtar evropian sesi është e mundur që Malit të Zi gjatë procesit të liberalizimit të vizave nuk i është kërkuar një kusht i tillë, siç është demarkacioni i kufirit, ndërsa Kosovës i shtrohet si kusht miratimi i një marrëveshje, e cila sipas të gjitha gjasave, përfundon me faljen e mijëra hektarëve tokë në brezin kufitar me Malin e Zi.
