Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke folur për pritjet e tyre nga vizita e kancelarit të Gjermanisë, Olaf sholz që do t’ia bëjë vendin tonë në fillim të qershorit, deputetë të gjitha partive politike kanë deklaruar se ata presin një deklarim të qartë për liberalizimin e vizave për Kosovën. Gjatë intervistës për “Kosovapress” deputetë të partive në pushtet por edhe të partive opozitare kanë shfaqur shpresën e tyre se kancelari i Gjermanisë, Olaf sholz do ta thotë qar[të se Kosova i ka përmbushur moti kushtet për liberalizim dhe se heqja e vizave për qytetarët e saj është shtyrë tepër gjatë. Deputeti i Lëvizjes Vetëvendosje, Arbër Rexhaj ka shfaqur bindjen e tij se “kancelari gjerman shpresoj ta thotë të njëjtën frazë për arsye se Kosova që moti i ka përmbushur kushtet që janë kërkuar për liberalizimin e vizave dhe kjo çështje është prolonguar”. Edhe deputetja nga radhët e Aleancës për Ardhmërinë e Kosovës, Time Kadriaj ka theksuar se është një disponim i mirë për çështjen e liberalizimit të vizave, përveç disa vendeve që kanë hezitime për çështjen e liberalizimit të vizave, disa janë në procese zgjedhore. Institucionet e Kosovës duhet ta shfrytëzojnë momentumin e përkrahjes ndërkombëtare për të shtyrë përpara temat si liberalizimi i vizave dhe dialogun, ka porositur, deputetja e Aleancës për Ardhmërinë e Kosovës, Time Kadriaj.
