Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Turqisë, Rexhep Taip Erdogan ka deklaruar se ende e ka për qëllim pengimin e Finlandës dhe Suedisë për t’u anëtarësuar në NATO. Ai ju ka thënë gazetarëve se bisedimet e zhvilluara gjatë kësaj jave me delegacionet e këtyre dy shteteve, nuk ishin në nivelin e pritshëm, dhe ka theksuar se nuk është ndërmarrë asnjë hap për të lehtësuar shqetësimet e sigurisë që ka Turqia. “Ata nuk janë të sinqertë. Ne nuk mund të përsërisim gabimin që kemi bërë në të kaluarën sa i përket shteteve në NATO që mbështesin terroristë të tillë, pas NATO është organizatë e sigurisë. Për aq kohë sa Tayyip Erdogan të jetë në krye të Republikës së Turqisë, ne nuk mund të themi ‘po’ për anëtarësimin në NATO të shteteve që mbështesin terrorizmin” ka theksuar presidenti i Turqisë, Rexhep Taip Erdogan. Turqia kundërshton synimet e Suedisë dhe Finlandës për NATO duke argumentuar se këto dy shtete strehojnë persona që janë të lidhur me Partinë e Punëtorëve të Kurdistanit, që Turqia e konsideron organizatë terroriste.
