Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ukë Rugova, djali i ish-kryetarit të ndjerë të Kosovës, Ibrahim Rugova, bashkë me një grup prej 21 personash, pritet që këtë javë të përballet me akuza që lidhen me veprën penale krim i organizuar. I ashtuquajturi ‘Grup i Velanisë’ do të akuzohet për veprimtari kriminale që lidhet me falsifikimin e vizave të lëshuara nga ambasada italiane në Prishtinë. Prokurori i rastit, Allen Cansick pretendon se Ukë Rugova ka mbikëqyrur bizneset që lidheshin me procedimin e vizave në ambasadë. Ndërkohë, Prokuroria kishte zgjeruar pistën e hetimeve edhe për Astrit Haraqinë i cili dyshohet për veprën penale të krimit të organizuar, mashtrim, ushtrim të ndikimit, kontrabandim me migrantë dhe shpërdorim të pozitës zyrtare. Dyshimet kryesore që rëndojnë mbi të ashtuquajturin ‘Grupi i Velanisë’ janë materialet e konfiskuara në shtëpinë e Ukë Rugovës me 5 shkurt 2014. Provat e siguruara gjatë bastisjes konfirmohen me rezultatet e përgjimeve dhe të vëzhgimit, si dhe sipas listës së klientëve të grupit që janë siguruar nga një e-mail i dërguar nga njëri prej të dyshuarve. Prokuroria, deri tash, pos bastisjeve në pronat e 15 të dyshuarve, ka intervistuar më tepër së 100 dëshmitarë. Grupi i Rugovës dyshohet se për një vizë italiane ka fituar nga 2700 deri në 3.500 euro.
