Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka nisur sot në Ferizaj, manifestimi tashmë tradicional “Ditët e Kulturës”, një eveniment i kulturës i cili për disa ditë para ferizajasve do të ofrojë shumë aktivitete kulturore. Hapja solemne u bë në sheshin e qytetit me një program të pasur kulturo-artistik të përgatitur me rastin e 1 Qershorit-Ditës Ndërkombëtare të Fëmijëve. Në këtë aktivitet ka marrë pjesë edhe drejtorja e Drejtorisë së Kulturës, Rinisë dhe Sportit Xhemile Murati-Shabani, drejtori i Arsimit, Afrim Llabjni, drejtori i Shëndetësisë, Kemajl Emini si dhe shefi i Kabinetit të Kryetarit, Albion Sherifi të cilët thanë se aktivitetet në kuadër të ‘Ditëve të Kulturës”, janë aktivitete shumë të rëndësishme për Komunën e Ferizajt e që përfshijnë me programin e tyre të gjitha kategoritë shoqërore. Me këtë rast fëmijët patën rastin që të takohen nga afër edhe me përfaqësues të Policisë së Kosovës, me ushtarë të FSK-së, por edhe me mjekë dhe infermierë nga qyteti i Ferizajt. Manifestimi “Ditët e Kulturës” do të mbahet deri me datën 12 qershor.
