Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Prishtinës, Shpend Ahmeti gjatë një konference për medie, ka sqaruar kontestin e tejzgjatur mes komunës dhe Ministrisë së Financave për blerjen e 51 autobusëve me anë të një kredie lëshuar nga Banka Evropiane për Rindërtim dhe Zhvillim. Numri një i komunës së Prishtinës ka thënë se ministri i Financave, Avdullah Hoti, bashkë me kryeministrin, Isa Mustafa po e bllokojnë këtë proces për inate politike. “Ne kërkojmë takim tash e sa kohë, por nuk dalin në takim, nënkryetari Dardan Sejdiu kërkon të dalë në debat me ministrin Hoti, por ai nuk pranon. Nuk e kuptojmë që si ka mundësi që për inate politike ta bllokojë Qeveria kryeqytetin e vet”, ka deklaruar Ahmeti. Ai i ka quajtur “lojëra të pandershme të ministrit e qeverisë”, arsyetimet e tyre që thonë se vet Komuna i ka fajet për këtë bllokim.
