Komuna dhe Handikos në Malishevë ndihmojnë rreth 300 familje në nevojë

06/06/2022 Institucionet

Në kuadër të  aktiviteteve të Komunës së Malishevës dhe Qendrës së Rehabilitimit “Handikos” në Malishevë, sot ka filluar shpërndarja e pakove ushqimore për 300 familje në nevojë, kryesisht për anëtarët e Handikos në Malishevë. Shpërndarjen e këtyre ndihmave e kanë bërë, nënkryetari i Komunës së Malishevës, Vesel Krasniqi dhe koordinatorja e kësaj qendre, Feride Hoxha. Gjatë këtij aktiviteti, nënkryetari Krasniqi, ka thënë se “jemi duke jetuar në një kohë krize ekonomike dhe sociale, prandaj aktivitetet e tilla, si kjo që ka bërë Handikos në Malishevë dhe përmes formave tjera, ne do të përkujdesemi për të gjitha familjet në nevojë në komunën tonë dhe uroj të kemi sa më pak raste, por mbështetja do të jetë e vazhdueshme”. Ndërsa koordinatorja e Qendrës së Rehabilitimit “Handikos” në Malishevë, zonja Hoxha, tha se ky aktivitet, është pjesë e programeve të tyre si organizatë dhe ky është vetëm një prej projekteve të tyre, në shërbim të anëtarëve të “Handikos” në Malishevë. Ajo gjithashtu ka bërë të ditur se nga këto ndihma do të përfitojnë 300 familje në nevojë në Komunën e Malishevës dhe se çdo aktivitet i tyre, zhvillohet në bashkëpunim me komunën. “Dera e kryetarit të komunës, është hapur për të gjithë dhe ne si organizatë, e kemi mbështetjen e parezervë të kryetarit Kastrati dhe Komunës së Malishevës”, ka thënë koordinatorja Hoxha.

Kontrolloni gjithashtu

Komuna e Vitisë organizon tryezë diskutimi për aktivizimin kundër dhunës ndaj gruas

Komuna e Vitisë, përmes zyrës së kryetarit dhe Zyrës për Barazi Gjinore, ka mbajtur sot …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara