Nga Drejtoria për Mbrojtje dhe Shpëtim në Komunën e Rahovecit

06/06/2022 Institucionet

Drejtoria për Mbrojtje dhe Shpëtim në Komunën e Rahovecit, sipas paralajmërimeve që ka marrë nga Sektori i Hidrologjisë i Institutit Hidrometeorologjik i Kosovës, nga dita e sotme, e hënë (06.06.2022) dhe ditëve në vijim paralajmërohet përkeqësim i motit, stuhi dhe shtrëngata, po ashtu pritet të ketë reshje të shiut në sasi më të mëdha sesa normale, ku edhe mund të ketë vërshime apo përmbytje. Sipas paralajmërimeve zyrtare këto reshje pritet të përfshijnë edhe komunën e Rahovecit. Drejtori për Mbrojtje dhe Shpëtim në Komunën e Rahovecit Kujtim Dina, këtë shqetësim e ka trajtuar me seriozitet të plotë dhe menjëherë janë ndërmarrë të gjitha masat e nevojshme, ekipi i shpëtimit dhe emergjencës dhe njësitë e tjera emergjente të komunës janë mobilizuar dhe do të jenë aktive gjatë gjithë kohës si dhe do të jenë në shërbim të atyre që kanë nevojë. Gjithashtu edhe kompanitë për intervenime emergjente që janë të kontraktuara nga komuna janë njoftuar që të jenë në gjendje gatishmërie dhe t’i rrisin kapacitetet intervenuese të tyre, që të veprojnë në rast të nevojës. Kërkohet nga qytetarët që të marrin masat më herët dhe të jenë të kujdesshëm nga stuhitë, vërshimet dhe përmbytjet e mundshme. Numri kontaktues emergjent:

Numri  fiks i njësisë së zjarrfikësve në Rahovec: 029-277-555

Numri emergjent rajonal i zjarrfikësve: 193; Numri emergjent i policisë: 192

Faleminderit për mirëkuptim!

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara