Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në njëqind ditët e para të luftës në Ukrainë, Rusia ka fituar 98 miliardë dollarë nga eksporti i lëndëve djegëse fosile, ndërsa importuesi më i madh është Bashkimi Evropian. Një raport i lëshuar nga Qendra e Pavarur për Kërkimin e Energjisë dhe Ajrit të Pastër me bazë në Finlandë u publikua të hënën ndërsa forcat ruse vazhdojnë përpjekjet e tyre për të pushtuar plotësisht rajonin lindor të Ukrainës Donbas. Shtetet e Bashkuara dhe Bashkimi Evropian kanë dërguar armë dhe para për të ndihmuar Ukrainën të mbrohet kundër sulmeve ruse, ndërsa në të njëjtën kohë ndëshkojnë Moskën me sanksione të paprecedentë ekonomike. Megjithatë, Ukraina u bëri thirrje vendeve perëndimore të pezullojnë të gjitha marrëdhëniet tregtare me Moskën me shpresën se kjo do të ndalonte financimin e pushtimit rus, i cili filloi më 24 shkurt. Para luftës, Rusia furnizonte Bashkimin Evropian rreth 40 për qind të gazit dhe 27 për qind të naftës së importuar. Në fillim të këtij muaji, blloku ra dakord të ndalonte shumicën e importeve ruse të naftës, me synimin për të shkurtuar furnizimet me gaz me dy të tretat këtë vit.
Sipas një raporti të publikuar nga CREA, 61 për qind e eksporteve ruse të karburanteve fosile shkuan në Bashkimin Evropian për rreth 60 miliardë dollarë.
Importuesit më të mëdhenj ishin Kina me 13,2 miliardë dollarë, Gjermania me 12,7 miliardë dollarë, Italia me 8,2 miliardë dollarë, Holanda me 8,4 miliardë dollarë, Turqia me 7 miliardë dollarë, Polonia me 4,6 miliardë dollarë, Franca me 4,5 miliardë dollarë dhe India me 3.6 miliardë.
Rusia gjeneroi më shumë të ardhura nga shitja e naftës së papërpunuar (48.2 miliardë dollarë), e ndjekur nga gazi nga tubacioni (25.1 miliardë dollarë), produktet e naftës (13.6 miliardë dollarë), gazi natyror i lëngshëm ose LNG (5.3 miliardë). qymyr (4.8 miliardë dollarë).
Edhe në maj, kur eksportet ruse ranë dhe vendet dhe kompanitë shmangën furnizimet e tyre për shkak të luftës në Ukrainë, rritja globale e çmimeve të karburanteve fosile vazhdoi të mbushte buxhetin e Kremlinit dhe të ardhurat nga eksporti arritën rekorde. Çmimet mesatare të eksportit të karburanteve fosile të Rusisë ishin rreth 60 për qind më të larta se vitin e kaluar, sipas CREA. (Al-Xhazira)
