Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komuna e Vitisë gjatë ditëve të fundit për nderë të 14 Qershorit-Ditës së Çlirimit, ka shënuar aktivitete të ndryshme zyrtare, kulturore dhe artistike. Ndonëse gjatë ditës së djeshme është mbajtur fillimisht një seancë solemne nga Kuvendit Komunal u bënë edhe homazhe në varrezat e dëshmorëve në Viti, për të përkujtuar dhe nderuar dëshmorët të cilët dhanë jetën për lirinë e këtij vendi. Me pas nën organizimin e Drejtorisë për Kulturë, Rini dhe Sport janë zhvilluar edhe disa aktivitete sportive dhe kulturore në qytetin e Vitisë si: Street Ball, çiklizëm dhe është përmbyllur në orët e mbrëmjes me koncertin festiv në qytet ku kanë marrë pjesë: Kori i qytetit, A.K.V “Kemajl Azizi”, Qendra Kulturore “Anamorava” dhe Ansambli “Visaret e Krrabës” nga kryeqyteti shqiptar. Valmir Sahiti, drejtor për Kulturë, Rini dhe Sport në Viti, tha se për nderë të kësaj dite, kjo drejtori në bashkëpunim me partnerët e saj është përkujdesur që shënimi i ditës së çlirimit në Viti, të bëhet në formën më të mirë të mundshme. Ai ka falënderuar të gjithë ata që kanë kontribuar në realizimin e aktiviteteve duke u zotuar se do të kujdesët që edhe ditët e tjera festive të shënohen me programe të pasur kulturore, artistike dhe sportive.
