Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Promovuesit e të ashtuquajturit komunitet LGBT, që përfshin individët me devijime seksuale, kanë fituar fuqi të tillë ndikuese sa edhe të ndërhyjnë në mediet publike. Një koment i redaktorit të RTK-së, Arsim Halili që kishte shprehur averzionin e tij ndaj paradës së LGTB-së në Prishtinë, me gjasë do t’i kushtojë atij me suspendim nga vendi i punës. Drejtori i Përgjithshëm i RTK-së, Mentor Shala ka kërkuar jo vetëm suspendimin e redaktorit, Arsim Halili nga vendi i tij i punës por edhe ka kërkuar nisjen e procedurave disiplinore ndaj tij. Më pas, drejtori i RTK-së ka paraqitur edhe një rregullore për gjoja standardet profesionale në RTK. Por për Mentor Shalën këto standarde përdoren në mënyrë të dyfishtë e sipas preferencave të tij. Ai asnjëherë nuk ka kërkuar suspendimin apo nisjen e procedurave disiplinore ndaj gazetarëve dhe redaktorëve të programit në gjuhën serbe, të cilët hapësirën e rezervuar në mediumin publik, e shfrytëzojnë edhe për mesazhe politike. Përndryshe, Arsim Halili si njëri nga zërat më të fuqishëm në Sindikatën e Pavarur të RTK-së, në vazhdimësi ka kritikuar keq-menaxhimin endemik dhe keqpërdorimet e pafundme që ngjajnë në mediumin publik që paguhet nga taksat e qytetarëve të Kosovës.
