Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni Evropian sqaroi se nuk ka planifikuar asnjë udhërrëfyes të ri për liberalizimin e vizave për Kosovën dhe se mbetet në qëndrimin se Kosova i ka përmbushur të gjitha kushtet. Ky sqarim pasoi një deklaratë të komisionarit për zgjerim të BE-së, Oliver Varhelyi, i cili tha se Komisioni është i gatshëm që, bashkë me vendet anëtare, të përpilojë një udhërrëfyes shtesë për të adresuar disa shqetësime specifike. Varheli ishte treguar gatshëm gjoja t’i ndihmonte Kosovës që së bashku me shtetet anëtare, të vendosin një udhërrëfyes për t’i adresuar shqetësimet specifike. Autoritetet e vendeve anëtare, agjencitë e rendit dhe ligjit, forcat e policisë kanë nevojë të angazhohen në terren për t’i ndihmuar Kosovës. Nga ana jonë, ne jemi të gatshëm t’i japim Kosovës gjithë ndihmën financiare, teknike dhe politike për këtë proces”, kishte saktësuar Varheli. Kjo deklaratë, sipas diplomatëve evropianë, nuk ka qenë në përputhje me qëndrimet e Komisionit Evropian dhe ka dalë jashtë asaj që është thënë ditëve të fundit rreth kësaj teme.
