Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Memli Krasniqi ka deklaruar se për shkak të papjekurisë së kryeministrit, Albin Kurti, Kosova i ka humbur 7 vite. Ai ka thënë se marrëveshjen për energjinë në pjesën veriore të Kosovës kryeministri Kurti e ka kundërshtuar në kohën sa ishte në opozitë. “Lajmi i mirë është që Kurti dhe Qeveria e tij po e kuptojnë që këto marrëveshje kanë qenë për të mirën e vendit dhe për ta integruar në sistemin jo vetëm energjetik, por edhe legal të Kosovës së veriut. Lajm i keq është se kundërshtimi i tyre dhe papjekuria e tyre politike na kanë humbur 7 vjet si në këtë rast. Përgjegjësitë dhe obligimet e tij janë që të punojë në interesin e qytetarëve të Kosovës dhe interesin e shtetit tonë si njësi e rregulluar brenda Kushtetutës që e kemi” ka vlerësuar kryetari i Partisë Demokratike të Kosovës, Memli Krasniqi, gjatë intervistës për Ekonomia Online.
