Nesër zyrtarisht fillon korrja e grurit në Malishevë

04/07/2022 Institucionet

Shtabit Komunal për fushatën e  korrje -shirjeve mbajti  takimin e parë, ku i shqyrtoi të gjitha mundësitë dhe aktivitetet që do të zhvillohen gjatë fushatës së korrje – shirjeve në tërë territorin e Komunës  së  Malishevës. Në këtë takim prezent ishte edhe nënkryetari i Komunë së Malishevës Vesel Krasniqi, ku kërkoi nga anëtarët e shtabit komunal të jenë aktiv në zbatim të planit operacional për korrje -shirje që është hartuar nga Drejtoria për Bujqësi, Pylltari dhe Zhvillim Rural e Komunës së Malishevës duke u bazuar edhe në rekomandimet e planit të qeverisë qendrore.  Nga ky takim dolën me këto rekomandime të cilët do të zbatohen nga kombajnerët dhe fermerët. Zbatimi i marrëveshjes në mes të dy palëve për çmimin e rekomanduar nga qeveria qendrore në shumë prej 130 euro për hektar. Të zbatohet kriteri i lagështisë që nuk duhet të jetë më i lartë se 12 %, Kombajnerët duhen të jenë të pajisur me të gjitha mjetet e duhura për këtë fushatë të korrje – shirjeve. Në Komunën e Malishevës për këtë vit janë mbjellë 3587 hektarë, me grurë janë 3504 hektarë, 45 hektarë me  tërshërë dhe 38 hektarë me elb, ndërsa pritjet për një hektar grurë të rendimentit mund të sillen nga 3500 deri në 4200 kg për hektar.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara