Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot ishte për vizitë në Radion Kosova e Lirë, Shefki Fejzullahu, vëllai i dëshmorit të UÇPMB-së, Ibrahim Fejzullahu, së bashku me bijën e tij, arkitekten, Sevxhane, Fejzullahu.
Gjatë bisedës, veprimtari, Shefki Fejzullahu i bërë të ditur drejtorit të Radios-Kosova e Lirë, profesor Ahmet Qeriqit, se ai dhe familja e tij kanë ruajtur automjetin, e tipit “Llada”, pronë familjare, me të cilën është bartur një pjesë e teknikës së Radio-Zërit të Kumanovës, të cilën pronari, Ismet Bexheti ia kishte dhuruar SHP të UÇK-së, për Radion Kosova e Lirë në verë të vitit 1998. Teknika dhe disa pajisje rediodifuzive, kanë qëndruar disa ditë ilegalisht në fshatin, Gospoicë të Preshevës, në përkujdesjen e tij dhe në vëllait, dëshmor, Ibrahim Fejzullahu, i shpallur hero, nga ish kryetari, Hashim Thaçi. Pastaj, në përcjellje të teknikës kanë qenë të angazhuar Islam Berisha, tani dëshmor, Halil Selimi, Shaqir Shaqiri e të tjerë të cilët kishin qenë të autorizuar për bartjen e asaj pjese të teknikës në destinimin e caktuar, fillimisht në Rimanishtë të Llapit e disa muaj më vonë, në fshatin Kleçkë të Rrafshnaltës së Drenicës. Drejtori i Radios, Ahmet Qeriqi, me propozim dhe lejen e pronarit, ka pranuar që ai automjet të bartet dhe të dërgohet në Shtëpinë-Muze, në Fshatin Berishë, ku ruhen edhe artefakte të tjera të Radios-Kosova e Lirë, gjatë kohës së luftës.
