Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Parlamenti Europian ka miratuar një rezolutë për çështjen e pasivizimit të adresave të shqiptarëve në Serbi. Kështu ka bërë të ditur aktivistja Flora Ferati, e cila edhe vetë ishte banore e Preshevës, duke e konsideruar si një fitore “jo të vogël” diplomatike për shqiptarët. “Në Parlamentin Europian u miratua rezoluta për ‘pasivizimin’ e shqiptarëve në Serbi, dhe ajo do të figurojë në Raportin e Progresit për Serbinë për vitin 2021. Teksti i amendamentit 79, i cili u propozua dhe më pas u miratua në tërësi nga eurodeputetët vë theksin te mohimi i drejtës së votës të shqiptarëve etnikë në Luginë të Preshevës, për herë të parë e shkruan fjalën pasivizimin në thonjëza, flet për shkelje të drejtave themelore politike të shqiptarëve, si dhe thërret për një hulumtim të pavarur”. Zonja Flora Ferati ka falënderuar qytetarët shqiptarë nga Presheva, Medvegja e Bujanoci për bashkëpunimin dhe besimin gjatë dy muajve të fundit. Dëshmitë tuaja, veçanërisht kopjet e letërnjoftimeve dhe pasaportave valide të Republikës së Serbisë të shoqëruara me deklaratat tuaja për mohim të drejtës së votës në zgjedhjet e 3 prillit ishin vendimtare për miratimin e rezolutës. Pa ndihmën tuaja, nuk do të kishte raportime profesionale tek qarqet ndërkombëtare. Pa asnjë kompensim financiar, me punë vullnetare, me shumë punë e pak fjalë, ju po shkruani një histori të re për vendin tuaj të lënë në harresëm ka saktësuar zonja Ferati.
