Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i KMDLNJ-së dhe analisti, Behxhet Shala në një shkrim për gjendjen në vend tha se, pozita është dominuese në çdo fushë shkaku i numrave që i ka në Kuvend duke e shkelur, në raste e raste edhe duke e turpëruar opozitën kurse opozita po sillet sikur të ishte pjesë e sistemit politik e parlamentar të Madagaskarit. Pozita po e kalon çdo ligj apo nismë që e ka premtuar në fushatën zgjedhore pavarësisht se a do të jetë i zbatueshëm apo jo duke u mbështetur në një parim krejtësisht komunist se; prej kuantitetit del kualiteti! Nuk ka qeveri që punësimet në baza nepotiste thuaja i ka bërë pjesë të sistemit duke i legalizuar ato e që, jo se nuk ndjenë përgjegjësi por krijon arsyetim për secilin veprim. Nuk ka qeveri që ka qenë më jo transparente në bisedime me Serbinë e që vazhdon të jetë e tillë edhe sot duke e caktuar si kryenegociator një analfabet politik funksional si puna e Besnik Bislimit. Për të gjitha këto, ka shumë edhe për të përmendur, LV-ja e ka mbajtur Kosovën në gjendje lufte, që nga themelimi e deri te marrja e pushtetit me 51% të votave. Realisht, sot në Kosovë e kemi një demokraci krejtësisht të kontrolluar dhe të mbikëqyrur nga pushteti që lehtësisht mund të përfundojë në diktaturë të dhunshme… (Epoka e Re)
