Autoritetet e Ukrainës paralajmërojnë se Rusia po përgatitet për fazë të re të ofenzives. Zyrtar në Kievë kanë thënë se ata po shohin se tani janë duke u bërë bombardime përgjatë gjithë linjës së kontaktit dhe në mbarë vijën e frontit. “Ka përdorim aktiv të taktikave të aviacionit dhe sulmeve me helikopterë. Po ashtu ka aktivizim të armikut në gjithë frontin e luftës. Qartësisht, përgatitjet po bëhen për fazën e re të ofensivës. Nuk janë vetëm sulmet me raketa nga ajri dhe deti” kanë theksuar autoritet ukrainase. Ministria e Mbrojtjes së Ukrainës ka njoftuar se Rusia po përforcon pozicionet e saj mbrojtëse në gjitha territoret e pushtuara në jug të Ukrainës. “Kjo përfshin edhe lëvizjen e fuqisë njerëzore, pajisjeve dhe depove mbrojtëse midis Mariupolit, Zaporizhjas dhe Hersonit” Ndërkohë Shtabi i Përgjithshëm i ushtrisë ukrainase njoftoi se trupat ukrainase sot ( 17 korrik ) kanë zmbrapsur përpjekjet ruse për të përparuar drejt Sllovijanskut, një bastion kyç ukrainas në Donjeck, por edhe sulme të tjera në mbarë këtë rajon që gjendet në lindje të Ukrainës.
Kontrolloni gjithashtu
Fahrije Hoti; Ministri, Faton Peci, duhet t’ iu kërkojë falje publike të gjitha grave të Krushës, për njollosje të emrit dhe shpifje
Drejtoresha e Kooperativës Bujqësore “Krusha”, Fahrije Hoti, ka thënë se ministri i Bujqësisë, Faton Peci …