Kryetari Haliti organizoi pritje për mërgimtarët vitias

21/07/2022 Institucionet

Kryetari i komunës së Vitisë, Sokol Haliti, ka organizuar sot një pritje për mërgimtarët e kësaj komune, të cilët jetojnë dhe veprojnë në shtetet perëndimore e që po kalojnë pushimet verore në Kosovë. Me këtë rast, kryetari Haliti i ka njoftuar ata me aktivitetet por edhe me projektet që janë duke u realizuar në komunën e Vitisë. Gjithashtu për mobilizimin e administratës komunale në sektorin e ofiqarisë, pastaj atë të Regjistrimit civil dhe pajisjeve me dokumente të identifikimit dhe atyre të udhëtimit, në mënyrë që të ketë ofrim të shërbimeve sa më të shpejta e të lehta për mërgatën. Ndërkohë ka bërë të ditur edhe organizimin e aktiviteteve që do të mbahen për nderë të 1 Gushtit Ditëve të Mërgatës, që do të mbahen më 1,2 dhe 3 gusht.  “Çmoj lartë bashkëpunimin që kemi me mërgatën dhe ju falënderoj për këtë përkushtim. Jam falënderues për aksionet humanitare, nismat që po ndërmerrni dhe po luani rol kyç në mirëqenien e qytetarëve. Në vazhdimësi, ne po bëjmë përpjekje që me punë të mira, ta kthejmë motivin për jetë këtu, posaçërisht tek rinia të krijojmë perspektivën e të jetuarit në vendlindje”, ka thënë kryetari Haliti. Nga ana tjetër, përfaqësues të mërgatës kanë falënderuar kryetarin Haliti për pritjen dhe gatishmërinë e treguar në vazhdimësi për të organizuar pritje sa më madhështore për mërgatën.  Ata u shprehën të kënaqur me të arriturat e gjithmbarshme në komunën e Vitisë, duke vlerësuar punën dhe angazhimin e kryetarit Haliti dhe qeverisjes komunale për realizimin e projekteve që kanë të bëjnë me përmirësimin e jetës së qytetarëve. Përndryshe, me rastin e Ditëve të Diasporës, edhe këtë vit do të ketë aktivitete të ndryshme si Panairi i prodhimeve bujqësore, ushqimeve tradicionale e punimeve  artizanale, aktivitete artistike e muzikore, si edhe sportive.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara