Përurohet Palestra e Sporteve në Klinë

19/05/2016 Institucionet

Në Klinë është përuruar Palestra e Sporteve, në të cilin projekt MKRS-ja në total ka investuar 2,005,173.85 €.

Në ceremoninë e përurimit të këtij objekti modern, mori pjesë ministri i Kulturës, Rinisë dhe Sportit, Kujtim Shala, ai i Drejtësisë, Hajredin Kuçi, dhe kryetari i Komunës së Klinës, Sokol Bashota.

Ministri Kujtim Shala u shpreh se ky projekt disavjeçar i Institucioneve të Kosovës i kurorëzuar me këtë palestër moderne, është dëshmi e fuqishme e përkushtimit dhe punës së Qeverisë së Kosovës për të krijuar kushte më të mira për zhvillimin e sportit në vendin tonë.

Ai më tej shtoi se kjo palestër modern, është në shërbim të Klinës, të qytetarëve të këtij vendi dhe gjithë atyre që ushtrojnë veprimtari sportive, dhe shtoi se Institucionet e Kosovës janë të përkushtuara që të punojnë në krijimin e kushte bashkëkohore për sportin.

Ministri Shala më tej u shpreh se puna e madhe që është bërë në këtë palestër,  është dëshmi e fuqishme se ne i mbajmë premtimet dhe sivjet pritet përfundimi edhe i disa palestrave tjera nëpër Kosovë.

Ministri Shala gjithashtu u shpreh se Kosova ka potencial për të zhvilluar sportin, dhe shtoi se kjo palestër moderne është një ndihmesë e madhe në këtë drejtim.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara