Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, qytetarët serbë në Veri të Mitrovicës, kanë gjetur të vendosura në veturat e tyre fletushka kërcënuese përmes së cilave janë paralajmëruar që të mos regjistrojnë automjetet e tyre me targa të Republikës së Kosovës. “Nuk ka dorëzim – KM mbetet”, është mesazhi i shkruar në fletushkat e vendosura në automjetet e serbëve të Kosovës, të cilët nga data 1 gusht duhet t’i konvertojnë targat e tyre në RKS, pasi në qershor të këtij vitit Qeveria ua dha dy muaj afat qytetarëve që të largojnë targat ilegale. Dizajnuesit e këtyre fletushkave janë kujdesur që tabelat zyrtare të Republikës së Kosovës “RKS” t’i portretizojnë si tabela të “djallit” përmes të ashtuquajturit kod djallëzor “666”. Tabelat ilegale “KM” të cilët duhet të konvertohen në ato “RKS” me numrin “1244” e cila ilustron numrin rezolutës së Këshillit të Sigurimit të Organizatës së Kombeve të Bashkuara, që parasheh se Kosova është pjesë integrale juridike e Serbisë.
