Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një shkresë drejtuar gjykatësit të procedurës paraprake, avokati i Jakup Krasniqit ka thënë se një organizatë ndërkombëtare, emri i së cilës është redaktuar, po refuzon t’i japë informacione dhe dokumente materiale. Sipas kësaj shkrese, në bazë të rregullit 208 të Rregullores së Procedurës dhe Provave pranë Gjykatës Speciale, mbrojtja e Krasniqit kërkon nga gjyqtari i procedurës paraprake që të kërkojë ndihmë dhe bashkëpunim Kërkesa e tanishme është dorëzuar pas refuzimit për t’i dhënë mbrojtjes informacione dhe dokumente materiale për përgatitjen e çështjes së saj. Refuzimi për të bashkëpunuar pengon ndjeshëm aftësinë e mbrojtjes për t’u përgatitur për gjykim”, saktëson avokati. Më tej thuhet se në bazë të Rregullit 82 të Rregullave, kjo dosje klasifikohet si konfidenciale dhe ex parte, pasi përmban informacione që kanë të bëjnë me hetimet e mbrojtjes. “Një version publik i redaktuar i Aplikacionit do të dorëzohet në kohën e duhur”, thuhet nga mbrojtja, raporton “Betimi për Drejtësi”.
