Turi i dëgjimeve për hartimin e buxhetit po vijon në Ferizaj

03/08/2022 Institucionet

Sonte nënkryetari i Komunës së Ferizajt Lulzim Aliu, i shoqëruar nga drejtorja e Financave Sebahate Ajeti-Sadiku, drejtori i Shërbimeve Publike Arben Halili si dhe drejtori i Infrastrukturës Meriton Hajdini në shkollën “Jeta e Re” në Greme, kanë takuar banorët  e fshatit Greme, Gaçkë, Varosh, Doganaj, Zaskok dhe Rakaj. Nënkryetari Aliu, në këtë takim, qytetarët e pranishëm i ka njoftuar me hartimin e projekt-buxhetit 2023-2025, por edhe për projekte që pritet të realizohen në vitin i ardhshëm në këto fshatra. Ndërkaq drejtorja e Financave, Sebahate Ajeti-Sadiku, ka dhënë të detaje të shumta sa i përket buxhetit komunal, si dhe ka kërkuar nga qytetarët e pranishëm që të parashtrojnë kërkesat e tyre, në mënyrë që të inkorporohen në projektbuxhetin e vitit të ardhshëm. Banorët e këtyre lokaliteteve, theksuan kërkesat e tyre të cilat presin që të realizohen në vitin 2023, mirëpo sfida e gjithësecilit nga përfaqësuesit e këtyre fshatrave, ishte furnizimi me ujë të pijshëm, si dhe vendosja e disa pengesave në rrugët kryesore në mënyrë që të ndalohet shpejtësia e madhe e automjeteve. dhe mbeturinat. Kërkesat e paraqitura nga banorët u evidentuan në procesverbalin zyrtar të këtyre takimeve dhe nënkryetari Aliu në përgjigje të shqetësimeve e kërkesave të banorëve, tha se të gjitha kërkesat do të filtrohen, saktësohen dhe planifikohen në bashkëpunim edhe me Kryetarët e zgjedhur të fshatrave përkatëse, në mënyrë që këto investime të realizohen në kuadër të kornizës së mundësive financiare dhe prioritetit që kanë ato për komunitetin.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara