Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deklarata e kryeministrit, Albin Kurti, lidhur me luftën e mundshme me Serbinë ka ngjallur reagime të shumta nga njohës të politikës, por edhe nga partitë opozitare, të cilat kanë kërkuar që të mos krijohet panik pasi konflikti i armatosur nuk mund të ndodhë. Në lidhje me këto deklarata të Albin Kurtit, ish-kryeministri, Isa Mustafa ka thënë se i pari i qeverisë duhet të ketë kujdes në deklarimet e tij në mënyrë që të mos ngjallet panik në popull, Mustafa ka shpjeguar se qeveria e Albin Kurtit është qeveri e dhunës dhe se nuk dallon shumë prej rusëve sa i përket dhunës. Me dhunë, gurë, gaz lotësjellës, bomba molotovi, granata ka ardhur në pushtet. Jo me punë dhe merita qeverisëse. Edhe aty ku ka qeverisur ka dështuar. S’dallon shumë prej rusëve sa i përket dhunës. Ata po ia vënë flakën Ukrainës, këta ia vënin flakën institucioneve të Kosovës për ta rrëzuar pushtetin demokratik. Duan të themelojnë ushtri paralele dhe organe paralele të drejtësisë. ‘Kushtetutë e pa Kushtetutë’. Albin Kurti dhe Vjosa Osmani duke e ndjellë luftën po e sjellin Serbinë tek dera ka thënë mes tjerash Isa Mustafa për Lajmi net.
