Shënohet 40 vjetori i bashkimit politik të organizatave patriotike

16/08/2022 Institucionet

Në teatrin e qytetit “Adriana” në Ferizaj, gjatë ditës së sotme është bërë shënimi i 40 vjetorit të bashkimit politik të organizatave patriotike – krijimi i Lëvizjes Popullore të Kosovës.  Në këtë akademi kanë marrë pjesë veprimtarë të çështjes kombëtare, drejtues të LPK-së, historian, zyrtarë komunal si dhe mysafirë të shumtë nga Kosova, e Maqedonia e veriut. Në hapjen zyrtarë të kësaj akademie të  pranishmit me një fjalë rasti në emër të Kryetarit të Komunës së Ferizajt Agim Aliu, i është drejtuar Balton Dërguti, drejtori i Drejtorisë së Zhvillimit Ekonomik dhe Turizmit. Ai ka përgëzuar të pranishmit për këtë akademi, ndërsa ka folur edhe për rëndësinë e madhe që ka pasur kjo lëvizje në kohërat më të vështira në cilat është përballur Kosova. Ndërkaq Mustafë Xhemajli, para mysafirëve ka lexuar një kumtesë për Lëvizjen Popullore të Kosovës, nga viti 1945 deri në vitin 1999. E nga ana tjetër publicisti, veprimtari i çështjes kombëtare dhe shkrimtari Berat Luzha, ka elaboruar kujtime për rolin e nënës shqiptare, të cilat kanë ndihmuar mjaft shumë sa i përket kësaj lëvizje. Në këtë akademi ka marrë pjesë edhe veprimtari Ali Ahmeti i cili ka përshëndetur të pranishmit si dhe Bajram Ajeti anëtarë i shoqërisë “Levizja”. Në fund të kësaj akademi, janë shpërndarë mirënjohje për të gjithë ata që kanë kontribuar në çështjen kombëtare, ndërkaq në fshatin Komogllavë është bërë zbulimi i pllakës në shtëpinë e Muharrem dhe Fatime Xhemajlit – vatër e atdhetarizmit dhe bazë e përpjekjeve, organizimit, veprimtarisë dhe Luftës Çlirimtare të LPK – UÇK- së.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara