Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i PDK-së, Memli Krasniqi, ka deklaruar se Qeveria Kurti ka hequr dorë nga çdo përpjekje serioze për ta ndihmuar vendin, që ta përballojë krizën ekonomike me të cilën po ballafaqohet. Ai ka shkruar se të dhënat për muajin korrik tregojnë se çmimet e ushqimit në Kosovë kanë qenë për 22 % më të larta në krahasim me periudhën e njëjtë të vitit paraprak, përderisa të ardhurat e qytetarëve, kanë mbetur të njëjta me periudhën e para krizës e që në terma real, nënkupton një rënie të konsiderueshme të fuqisë blerëse. Krasniqi ka theksuar se Qeveria ka zgjedhur abstenimin karshi krizës më të rëndë që ka kapluar vendin. Në kohën kur të gjithë kishin sytë nga rritja e çmimeve, qytetarëve të Kosovës iu prezantua edhe një sfidë e re – ajo e reduktimeve të energjisë elektrike në mes të verës”, ka shkruar, Memli Krasniqi.
