Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i LDK-së, Avdullah Hoti, ka publikuar një vendim të Qeverisë së Kosovës, ku shihet se të gjitha komunat që udhëhiqen nga Lëvizja Vetëvendosje kanë fituar projekte të Qeverisë, derisa komunat që udhëhiqen nga opozita 34 sosh kanë fituar vetëm tri projekte. Hoti ka ngritur dyshime se si të gjitha komunat që udhëhiqen nga partia në pushtet kanë arritur të fitojnë projekte nga Qeveria, sikur është Ministria e Administrimit të Pushtetit Lokal. Nga 7 komuna që kanë fituar projekte nga Ministria e Pushtetit Lokal, 4 janë nga Vetëvendosja aq sa ka fituar në zgjedhjet vendore ndërsa Kosova i ka komuna 38. Sipas këtij vendimi, Komuna e Gjilanit ka fituar një projekt në vlerë 87 mijë e 500 euro, ajo e Podujevës në vlerë 111 mijë e 114 euro, e Shtimes ka fituar projekt në vlerë 113 mijë e 727 euro, derisa ajo e Kamenicës në vlerë prej 299 mijë e 960 euro, por që thuhet se është projekt edhe në bashkëpunim me Komunën e Artanës.
