Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish dhe tani gazetari më projugosllav, që flet dhe shkruan edhe shqip, Veton Surroi, me ndihmën dhe caktimin e Albin Kurtit po pretendon të bëhet Sekretar i Përgjithshëm i Këshillit për Bashkëpunim Rajonal, me seli në Sarajevë. Për fushatën e tij, ai ka shkuar në vende të ndryshme të rajonit si në Kroaci e në Turqi. Por, pengesë në rrugën e Surroit, duket se është bërë Shqipëria, veçmas kryeministri Edi Rama. Ai ka plane, që për këtë post me rëndësi për rajonin dhe për shqiptarët ta emërojë Majlinda Bregun. Surroi shpresonte në përkrahjen që do të mund t’ia siguronte Ali Ahmeti, por ky mund të jetë më shumë në krahun e Edi Ramës. Qeveria Kurti përzgjodhi, përkrahësin e vet më të madh medial, Veton Surroin kandidat për Sekretar të Përgjithshëm të Këshillit për Bashkëpunim Rajonal, me seli në Sarajevë. Albin Kurti, miku i moçëm dhe i përhershëm i Veton Surroit ka vlerësuar se ai i plotëson kushtet më së miri.
