Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Skenderajt, Fadil Nura, së bashku me drejtorin për Arsim, Kastriot Duraku dhe zyrtarë tjerë të DKA-së, kanë pritur sot në takim përfaqësues të organizatës Teach for Kosova, ku është diskutuar për bashkëpunimin ndërmjet Komunës dhe kësaj organizate, në kuadër të projektit “Promovimi i mendimit kritik dhe kohezioni multietnik tek te rinjtë”. Sipas drejtorit ekzekutiv të Teach for Kosova, Egzon Gashi, projekti ka për qëllim që nëpërmjet një sërë aktivitetesh të parapara, të promovojë mendimin kritik tek te rinjtë për çështje të caktuara. Me qëllim të implementimit të këtij projekti në komunën e Skenderajt, përkatësisht në shkolla, është nënshkruar edhe memorandumi i mirëkuptimit, ndërmjet kryetarit Nura dhe drejtorit Gashi. Pjesë e projektit është edhe anëtarja e Kuvendit Komunal, Sala Jashari, si koordinatore e organizatës në fjalë, për komunën e Skenderajt.
