Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Trupi gjykues, i Gjykatës Speciale në Hagë, i kryesuar nga Mappie Veldt- Foglia, ka nxjerrë një vendim, ku është përcaktuar rendi i ditës për deklaratat përmbyllëse në çështjen gjyqësore ndaj Salih Mustafës. Në këtë njoftim është thënë se më 31 gusht, trupi gjykues ka përcaktuar rendin e ditës për deklaratat përmbyllëse në çështjen gjyqësore Mustafa, e planifikuar të mbahet nga 13 shtatori deri më 15 shtator (data 16 shtator është planifikuar si ditë rezervë). “Rendi i ditës, që mund të ketë ndryshime gjatë seancës në bazë të vendimeve të Trupit Gjykues, konkretizon, ndër të tjera, se deklarata përmbyllëse e Zyra e Prokurorit të Gjykatës Specila do të mbahet më 13 shtator, e vijuar nga Mbrojtësja e viktimave dhe Mbrojtja më 14 shtator. Përgjigjet, pyetjet nga trupi gjykues dhe deklaratat në lidhje me zhdëmtime janë planifikuar të mbahen më 15 shtator, thuhet tutje në vendim”, është thënë në këtë njoftim. Aktakuza kundër eprorit të UÇK-së gjatë luftës, Salih Mustafa është konfirmuar më 12 qershor të vitit 2020.
