Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komuna e Malishevës dhe ajo e Kumanovës përkatësisht kryetarët Ekrem Kastrati dhe Maksim Dimitrievski, sot në Kumanovë kanë nënshkruar memorandum bashkëpunimi në mes të dy komunave në Kosovë dhe Maqedoni e Veriut. “Sot isha në Republikën e Maqedonisë së Veriut, për të zhvilluar një takim pune me kryetarin e Komunës së Kumanovës, Maksim Dimitrievski, me të cilin edhe nënshkruam një Memorandum të Bashkëpunimit”, ka deklaruar kryetari Kastarti, pas nënshkrimit të memorandumit të bashkëpunimit. “Përmes këtij Memorandumi, ne sot i hapëm rrugë bashkëpunimit ndërmjet pushteteve tona lokale, shkëmbimit të përvojave dhe ideve në të gjitha sferat e jetës social-ekonomike” tha kryetari i Komunës së Malishevës, Ekrem Kastrati. Komuna e Malishevës dhe Komuna e Kumanovës, përmes kësaj marrëveshje synojnë krijimin e një platforme për partneritet në fushën e përgatitjes dhe pjesëmarrjes në projekte me interes të përbashkët për zhvillimin social dhe ekonomik.
