Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokuroria e Lartë e Shtetit, në Podgoricë, ka hapur rast lidhur me bisedën për vrasjen e kryetarit të Malit të Zi, Milo Gjukanoviq, thuhet në njoftimin për opinion. Në vazhdim të procedurës do të ndërmerren të gjitha masat dhe veprimet e nevojshme për verifikimin e pretendimeve mediatike dhe vërtetimin e të gjitha fakteve, pas së cilës do të vendoset për rastin”, ka thënë kryetarja e Prokurorisë, Lepa Medenica. Mediat në Mal të Zi raportuan se pjesëtari i grupit të organizuar kriminal “Predha” Srxhan Vukiç, i cili para dhe pas zgjedhjeve parlamentare të 30 gushtit të vitit 2020 ka qenë truprojë e Marko Milaçiç, dhe Zlatko Drashkoviç, kanë diskutuar për vrasjen e presidentit të Malit të Zi, Milo Gjukanoviç. Ndërkohë kryetari i grupit parlamentar të Partisë Demokratike të Socialistëve, Danijel Zhivkoviç, tha se materialet e publikuara sot në bazë të të cilave mund të vërtetohet pa mëdyshje se anëtarët e klanit ‘Predha’ kishin plane për të vrarë presidentin Gjukanoviç, është alarmant dhe kërkon reagim të menjëhershëm nga sektori i sigurisë dhe nga prokuroria kompetente. Ai saktësoi se ky grup kriminal së bashku me partitë politike dhe mediat “me sa duket kanë bërë fushatë të përbashkët për zgjedhjet e 30 gushtit për të marrë pushtetin me synojnë realizimin e interesave të strukturave të caktuara kriminale.
